Azərbaycan, Bakı, 07 avqust / Trend / BMT-nin atom enerjisi üzrə beynəlxalq agentliyi (MAQATE) rəhbərinin müavini Uli Haynon cümə axşamı səhər Tehrana səfərə gəlib. Onu İranın Atom Enerjisi Təşkilatı başçısının beynəlxalq əlaqələr üzrə müavini Məhəmməd Səidi qarşılayıb. Bu barədə İranın "İRNA" agentliyi məlumat verib.
Haynonu səfərdə MAQATE-nin regional rəhbəri Herman Nakarts müşayiət edir.
İki günlük səfədə MAQATE və İranın Atom Enerjisi Təşkilatı arasında qarşılıqlı münasibətlər müzakirə ediləcək.
İranın Atom Enerjisi Təşkilatının rəhbəri Rza Ağazadə iyulun 24-də Vyanada MAQATE-nin rəhbəri Əl-Bəradei ilə görüşərək müzakirələr aparmışdı.