Azərbaycan, Lənkəran, 11 avqust / Trend , müxbir P.Əliyeva/ Azərbaycanın cənubunda, İranla sərhəddə yerləşən (paytaxt Bakının 250 kilometrliyində) Yardımlı rayon ərazisində külli miqdarda narkotik maddə aşkarlanıb.
Yardımlı rayon Polis Şöbəsinin rəis müavini Sahib Səmədov Trend -a bildirib ki, avqustun 11-də Yardımlı-Bakı istiqamətində nərəkət edən avtomobilə baxış zamanı maşından 30 qram heroin aşkarlanıb. Avtomobildə olanlar, Bakı sakinləri Çingiz Məmmədov, İsmayıl Naibov və Ələsgər Sultanov heroini Yardımlı rayon Avaş kənd sakini Ədalət Fərziyevdən aldıqlarını bildiriblər.
Fərziyevin evində aparılan axtarışlar zamanı ordan daha 40 qram heroin və 4 kq qurudulmuş marixuana aşkarlanıb. İlkin dindirmələr zamanı Fərziyev narkotik maddələri İranda yaşadığı qohumundan avqustun 7- də gətirdiyini deyib.
Məqalə müəllifi ilə əlaqə ünvanı: [email protected]
