İran, Tehran, 12 avqust / Trend , müxbir. R. Azadbəxş/ Pakistanda nüfuzunun azalmasına baxmayaraq , Müşərrəf öz qanuni səlahiyyətlərindən istifadə edib, impiçmentdən (istizah) qaçmaq üçün Parlamentin səlahiyyətlərini dayandırmayacaq.
"Pərviz Müşərrəf öz qanuni səlahiyyətlərindən Parlamentin səlahiyyətlərini dayandırmaq üçün istifadə etməyəcək" - deyə Beynəlxalq əlaqələr üzrə İran eksperti Həsən Nuri Trend - a bildirib.
Hakim koalisiya (Xalq və "Müslim-Liq"in Nəvaz Şərif qolu) Müşərrəfi qanunu pozmaqda günahlandıraraq, çalışır ki, onu istizah edib, vəzifəsindən uzaqlaşdırsın. Pakistanın Xalq partiyasının rəhbəri Asəf Əli Zərdari və "Müslim -Liq" partiyasının rəhəbəri Nəvaz Şərif Pakistanın hakim koalisiya partiyalarıdır. Bu iki partiya avqustun 7- də mətbuat konfransında bildiriblər ki, Müşərrəfi istizah edəcəklər. Bazar ertəsi hakim koalisiya Pərviz Müşərrəfə qarşı iddiaları Pakistan Parlamentinə təqdim edib.
Pakistanın prezidenti istizah və vəzifədən kənarlaşdırma məsələsindən yayınmaq üçün bəzi səlahiyyətlərə malikdir. Pakistan Konstitusiyasının 58 - ci maddəsinin 2 B bəndinə əsasən, Müşərrəf Prezident kimi Baş naziri vəzifəsindən azad edib, Parlamentin səlahiyyətlərini dayandıra bilər. Amma son gönlərdə baş verənlər və "Müslim - Liq" partiyasının Müşərrəfi dəstəkləməməsi göstərir ki, o, bu addımı atmayacaq.
"Müşərrəfin perezidentlik kürsüsündə qalması üçün qanuni bir dəlili olmalıdır və o, müxaliflərin iddaları ilə mübarizəyə və özünü təmizə çıxartmağa çalışmalıdır" - deyə Nuri bildirib.
"Müşərrəfi dəstəkləyən bəzi qruplar da onun istefasını istəyiblər" - deyə İran eksperti Tehranda Trend -a bildirib . O əlavə edib ki, Müşərrəfi dəstəkləyən Müslim - Liq partiyasının Qaid Əzəm cinahının başçılarından olan general Bahadur Xan Sihar bildirib ki, Prezidentin Parlamentdə istizah olunması onun imicinin itirilməsidir , əgər Müşərrəf öz vəzifəsindən istefa verməsə, mən Parlamentdə onun istizah olunmasına rəy verəcəyəm.
"Pakistanın tarixində misli görünməyən bir məsələdir ki, Prezident Silahlı Qüvvələrin Baş Komandanı kimi ölkənin idarəsini ələ keçirsin və sonra siyasi partiyaların sıxışdırması ilə əlaqədar istefa və istizah seçimi qarşısında qalsın" -deyə Nuri bildirib.
Bu haqda Pakistanın daxili məsələlər üzrə eksperti Əbdulənis Həy Trend -a açıqlamasında bildirirb ki, , Müşərrəfin prezident səlahiyyətlərindən istifadə edib, parlamenti ləğv etmə ehtimalı azdır. Müşərrəfin istizahı onun prezidentlik kürsüsündən kənarlaşdırılacağına gətirib çıxarmayacaq - deyə , Həy çərşənbə axşamı İslamabaddan telefonla bildirib.
"Fikrimcə, Müşərrəf prezidentlikdən kənarlaşdırılsa da, Pakistan təhlükəsizlik problemləri ilə üzləşməyəcək. Əgər hər hansı bir böhran yaranmış olsa da, bir neçə aydan sonra sakitlik yenidən Pakistana qayıdacaq" - deyə Həy bildirib.
Həsən Nuri bildirir ki, bir çox ekspertlərin fikrincə, bəlkə general Pərviz Müşərrəf müxaliflərin istəyi ilə Silahlı Qüvvələrin Baş Komandanı vəzifəsindən istefa verdiyi üçün, Nəvaz Şərifin ,Benazir Bhuttonun ölümündən sonra yaranan qarışıqlıqdan istifadə edərək, Müşərrəfdən intiqam alacağını bildiyindən, bu günü gözləyirdi.
Pakistanın xüsusi vəziyyətini , təhlükəsizliyini , siyasi və tayfalardan təşkil olunmasını nəzərə alsaq, Müşərrəf kimi vahid bir qüdrətin Pakistanda olması zəruridir. Bu səbəbdən, Pakistanın siyasətçiləri Prezidentə münasibətdə tədbirli və səbrli davranmalı, hər şeydən əvvəl, Pakistanın təhlükəsizliyini və Milli maraqlarını nəzərə almalıdırlar.
Pakistan siyasətçiləri mövcud şəraiti nəzərə almadan Müşərrəfin istizahı üçün addım atsalar, bundan ən çox Pakistan zərər görəcək. Hazırda Pakistan çaxnaşmalara hazır deyil. - deyə Nuri bildirib.
Milli Assambleya (parlament) üzvlərinin sayı 342, Senat üzvlərinin sayı 100 nəfərdir. Onun sözlərinə görə, parlamentin birgə (müştərək) sessiyası olmalıdır. Bu o deməkdir ki, hakim partiya parlamentdə 442 nəfərdən 295 nəfərin dəstəyini qazanacaq. Müşərrəfin vəzifədən uzaqlaşması üçün, parlament nümayəndələrinin 290 səsi kifayətdir. Onlar prezidenti istizah etmək üçün üçdə iki səs çoxluğunu qazanmalıdır
Hakim koaliasiya (Xalq və "Müslim-Liq"in Nəvaz Şərif qolu) və digər partiyaların Pakistanın Senat və parlamentində ümumilikdə 266 yeri var. Müşərrəfin prezidentliyinə son qoymaq üçün onlara daha 29 səs lazımdır.