Azərbaycan, Bakı, 22 avqust / Trend , müxbir K.Zərbalıyeva/ Azərbaycanın paytaxtında mənzil oğurluqlarının açılması faizi son vaxtlar aşağı düşüb. Bu barədə cümə günü Trend -a Bakı şəhər Baş Polis İdarəsindən məlumat verilib.
Məlumata görə, Bakıda son vaxtlar qeydə alınan mənzil oğurluqları Rusiyada geniş tətbiq olunan metodla həyata keçirilir.
Yeni metoda görə, cinayətkarlar xəstələrin və ya əlillərin yaşadığı ünvana gələrək, özlərini həkim kimi qələmə verir, onlara dərman adı ilə bihuşedicilər içirdib yuxuya verirlər və mənzilləri qarət edirlər.
Son aylar bu cür hadisələr paytaxtda bir neçə dəfə qeydə alınıb və üstünün açılması üçün əməliyyat-axtarış tədbirləri həyata keçirilir.
Mənzil oğurluqlarını isə bir qayda olaraq gürcü əsillilər edirlər və oğurluğu açarseçmə yolu ilə həyata keçirirlər.
Bildirilib ki, oğurluq edənlər Bakıda kirayədə qalırlar. Həmin şəxslərin ünvanları barəsində polis orqanları kifayət qədər məlumat əldə edib.
Məqalə müəllifi ilə əlaqə ünvanı: [email protected]