Əfqanıstan, Kabil, 05 sentyabr / Trend , A.Həkimi / Əfqanıstan parlamentinin ötən gün keçirilən iclasında Qənduz vilayətini təmsil edən nümayəndə Müin Məristiyal İnsan Haqları Komissiyasının məruzəsinə toxunaraq bildirib ki, Əfqanıstanda koalisiya qüvvələri tərəfindən aparılan əməliyyatlar zamanı dinc sakinlərin həlak olması ilə bağlı halların 98 faizi qəsdən törədilir.
Məristiyal bildirib ki, İnsan Haqları Komissiyasının məruzəsində ötən il ərzində koalisiya qüvvələri tərəfindən keçirilən hərbi hava əməliyyatları zamanı mindən çox dinc sakinin həlak olduğu qeyd edilib. Həmin məruzədə həmçinin dinc sakinlərin ölüm faktlarının 98 faizinin qəsdən törədildiyi bildirilir.
Məristiyal əlavə edib ki, dinc sakinlər arasında bu cür ölüm faktlarının artması əhalidə koalisiya qüvvələrinə qarşı nifrət yaradacaq, bu isə Əfqanıstanın və beynəlxalq ictimaiyyətin xeyrinə olmayacaq.
Müəlliflə əlaqə saxlamaq üçün elektron ünvan [email protected]
