|
Azərbaycan, Bakı, 09 sentyabr / Trend , müxbir C.Babayeva/ Azərbaycanın Mərkəzi Seçki Komissiyasında ölkədə prezident seçkilərinin gedişini izləyəcək ATƏT-in müşahidəçi missiyasının 41 nümayəndəsi qeydiyyatdan keçib. Bu barədə Trend -a çərşənbə axşamı MSK-nın Beynəlxalq əlaqələr şöbəsinin müdiri Rövzət Qasımov deyib. |
Azərbaycanda prezident seçkiləri oktyabrın 15-də keçiriləcək. Seçki prosesini ATƏT-in 40 uzunmüddətli və 450 qısamüddətli nümayəndəsi izləyəcək.
|
Qasımov bildirib ki, qeydiyyatdan keçmiş 28 müşahidəçi uzunmüddətli, 13 müşahidəçi isə nümayəndə heyətinin əsas tərkibinin üzvləridir. Onun sözlərinə görə, MSK-da qeydiyyatdan keçmiş müşahidəçilər 24 ölkənin nümayəndəsidir. Qasımov onu da bildirib ki, MDB-nin missiyası Azərbaycana sentyabrın ortalarında gələcək. |