Azərbaycan, Bakı, 26 sentyabr/ Trend , müxbir R.Novruzov/ ATƏT-in İnsan Hüquqları üzrə Demokratik İnstitutlar Bürosu Azərbaycanın siyasi partiyalarının prezident seçkilərini boykot etmək qərarına təsir göstərməyəcək.
їBiz Azərbaycanın müxalifət partiyalarının seçkiləri boykot etmək qərarına təsir göstərmək niyyətində deyilik. Seçkilərdə iştitak edib-etməmək onların qərarıdırї, - cümə günü Trend -a təşkilatın media üzrə eksperti Raul Kuzel deyib.
Azərbaycanda prezident seçkisi oktyabrın 15-də keçiriləcək. Sentyabrın əvvəlində "Azadlıq" blokuna daxil olan partiyalar ї Xalq Cəbhəsi, Liberal Partiya, Vətəndaş və İnkişaf partiyası və Müsavat Partiyası və "Azərbaycan Naminə" İctimai Forum oktyabrın 15-də keçiriləcək prezident seçkisini qanunsuz tanımaq barədə birgə bəyanat imzalayıblar. Bəyanatda prezident seçkisindən sonra formalaşacaq hakimiyyət qeyri-legitim elan edilib.
Kuzelin sözlərinə görə, missiya partiyaların özlərini aparmaq xəttinə təsir göstərməyəcək. їMissiya müxalifətlə görüşlər keçirir və onların dəlillərini dinləyir ki, bu da hesabatda öz əksini tapacaqї, - o bildirib.
Prezident seçkisində yeddi namizəd - Yeni Azərbaycan Partiyasının (YAP) sədri, hazırki dövlət rəhbəri İlham Əliyev, müxalif Ümid Pariyasının sədri İqbal Ağazadə, Böyük Quruluş Partiyasının sədri Fazil Qəzənfəroğlu , Bütöv Azərbaycan Xalq Cəbhəsi Partiyasının sədri Qüdrət Həsənquliyev, Müasir Müsavat Partiyasının sədri Hafiz Hacıyev, Azərbaycan Liberal Demokrat Partiyasının sədri Fuad Əliyev və müstəqil namizəd Qulamhüseyn Əlibəyli iştirak edəcək. Prezidentliyə namizədlərin təbliğat-təşviqat kampaniyası sentyabrın 17- də başlayıb və 28 gün davam edəcək.
Məqalə müəllifi ilə əlaqə üçün: [email protected]
