Azərbaycan, Bakı, 27 oktyabr/ Trend / Almaniya Federativ Respublikasının prezidenti Xorst Koler və Almaniya Federativ Respublikasının Kansleri Angela Merkel İlham Əliyevi Azərbaycanda prezident seçkisində qələbə qazanması münasibətilə təbrik edib.
"Azərbaycan islahatlar və Avropa İttifaqı ilə münasibətlərin qurulmasında Almaniyanın dəstəyinə güvənə bilər", - Almaniya prezidentinin təbrik məktubunda bildirilir. Angela Merkel Azərbaycanın demokratiya, hüquqi dövlət və bazar iqtisadiyyatı quruculuğu sahəsində islahatların həyata keçirilməsini davam etdirəcəyinə ümid ifadə edib.