...

Azərbaycan parlamenti "Siyasi partiyalar haqqında" yeni qanun layihəsinin hazırlanmasında Venesiya Komissiyası ilə əməkdaşlığa hazırdır

Siyasət Materials 30 Oktyabr 2008 17:10

Trend-i buradan izləyin

Azərbayan, Bakı, 30 oktyabr/ Trend , müxbir İ.Əlizadə / Azərbaycan parlamenti "Siyasi partiyalar haqqında" yeni qanun layihəsinin hazırlanmasında Avropa Şurası Venesiya Komissiyası ilə əməkdaşlığa hazırdır.

"Venesiya Komissiyasının bu sahədə böyük təcrübəsi var və bir çox ölkələrin qanunlarına rəy verib. Ona görə də, Azərbaycanın "Siyasi partiyalar haqqında" Qanunu yenidən işlənsə, mütləq Venesiya Komissiyasına müraciət edəcəyik", - cümə axşamı Trend - a parlament Aparatının dövlət quruculuğu üzrə qanunvericilik şöbəsinin müdiri, Azərbaycanın Venesiya Komissiyasındakı nümayəndəsi Lətif Hüseynov bildirib.

Trend - un arayışı: Azərbaycanın "Siyasi partiyalar haıqqında" Qanunu 1990 - cı illərin əvvəllərində qəbul olunub. Həm hakimiyyət, həm də müxalifət hesab edir ki, yeni Qanuna ehtiyac var. Avropa Şurası Venesiya Komissiyasının katibi Sergey Kuznetsov bildirib ki, təmsil etdiyi qurum Azərbaycan hökumətindən "Siyasi partiyalar haqqında" Qanuna dəyişikliklər edilməsi ilə bağlı təkliflər gözləyir.

Hüseynov qeyd edib ki, cəmiyyətdə münasibətlər dəyişdikcə, qanunların da dəyişdirilməsinə ehtiyac yaranır. Ona görə də, "Siyasi partiyalar haqqında" yeni Qanunun qəbul olunmasına ehtiyac olduğu istisna deyil.

Məqalə müəllifi ilə əlaqə ünvanı: [email protected]

Xəbər lenti

Xəbər lenti