Əfqanıstan prezidenti nəqliyyat nazirini işdən azad edib

Azərbaycan, Bakı, 10 noyabr/ Trend , müxbir A.Hakimi/ Əfqanıstan prezidenti Hamid Kərzai, "öz səlahiyyətlərini yerinə yetirmədiyinə və şübhəli fəaliyyətə görə," nəqliyyat naziri Həbibulla Qadiri işdən azad edib.  Prezidentin mətubat xidmətinin dərc etdiyi bəyanata əsasən, Qadiri bazar ertəsi işdən azad edilib. Onun yerinə Kərzainin iqtisadi məsələlər üzrə birinci müşaviri Ömər Zahailval təyin edilib.

Qadiri Məkkəyə həcc ziyarətinə getməli olan əfqanların qeydiyyatını lazımi qaydada yerinə yetirmədiyi üçün, işdən azad edilib.
Noyabrın 7 - də Kabili tərk etməli olan zəvvarlar qrupu çətinliklərlə bağlı öz səfərini təxirə salmalı olub, - Baş prokuror Abdul Cabbar bildirib.

  Zəvvarlar Məkkəyə səfər üçün 985 dollar ödəyiblər.   Qadiri və bu il 30 min əfqanı Məkkəyə aparmalı olan Global Airways və  Nas Airways şirkətləri arasında təxminən 30 mln. dollarlıq müqavilə imzalanıb. Qadirinin işi prokurorluğa verilib, onun pasportu müsadirə edilib.   Müəlliflə əlaqə saxlamaq üçün elektron ünvan: [email protected]