Azərbaycan, Gəncə, 11 noyabr / Trend , müxbir V.Məmmədov/ Azərbaycanın qərbində yerləşən (paytaxt Bakıdan 365 kilometr aralı) Gəncə şəhər Polis İdarəsi saxta sənəd hazırlamağa cəhd edən şəhər sakinini saxlayıb.
Şəhər Polis İdarəsinin şəxsiyyət vəsiqəsi və pasport qeydiyyatı şöbəsinin müdiri Rəna Əliyeva çərşənbə axşamı Trend -a bildirib ki, 1967- ci il təvəllüdlü Əliyev Bəxtiyar Yusif oğlu şöbəyə müraciət edərək? sənədlərinin itdiyini bildirib və yeni pasport almaq istəyib. O, şöbəyə özünün deyil, qardaşı İlqar Əliyevin sənədlərini təqdim edib. Şöbənin əməkdaşları sənədlərin onun qardaşına məxsus olduğunu aşkarlayıb.
Məlum olub ki, Əliyev Rusiyadan deportasiya olunub və başqasının adına sənəd düzəltdirməklə? yenidən bu ölkəyə getmək istəyib.
Əliyev barəsində Cinayət Məcəlləsinin saxta sənəd hazırlama, gəzdirmə, daşıma (320.1) maddəsi ilə cinayət işi acılıb.
Məqalə müəllifi ilə əlaqə ünvanı: [email protected]
