Bakı. Trend:
Kamçatkadakı alimlər yarımadanın şərq sahilləri yaxınlığında, Sakit okeanda baş vermiş 5,5 maqnitudalı zəlzələ qeydə alıblar.
Bu barədə Rusiya Elmlər Akademiyasının Vahid Geofizika Xidmətinin regional bölməsindən məlumat verilib.
“Zəlzələnin episentri Petropavlovsk-Kamçatski şəhərindən 203 kilometr cənub-şərqdə yerləşib. Ocaq dəniz dibinin altında, 60 kilometr dərinlikdə olub”, – deyə alimlər bildiriblər.
Yaşayış məntəqələrində yeraltı təkanların hiss olunma gücü barədə məlumat verilməyib. Sunami təhlükəsi elan olunmayıb.
