Azərbaycan, Bakı, 13 noyabr / Trend / Azərbaycan prezidenti İlham Əliyev noyabrın 12-də Bakıda, Mehdi Hüseyn və Lermontov küçələri arasında yerləşən parkın əsaslı bərpa və yenidənqurma işlərindən sonrakı vəziyyəti ilə tanış olub.
Şəhərin mərkəzində yerləşən parkda qısa vaxt ərzində sakinlərin istirahəti üçün gözəl şərait yaradılıb.
Prezident İlham Əliyevə məlumat verildi ki, bir hektara yaxın sahəsi olan parkda yeni və müasir fəvvarələr yaradılıb. Parkda hər cür hava şəraitinə davamlı materialdan hazırlanmış 30-dan çox oturacaq qoyulub. Təzə çəmənlik salınıb, 3 minədək müxtəlif ağac və gül kolları əkilib. Parkda ən müasir işıqlandırma sistemi quraşdırılmışdır.
İlham Əliyev parkda görülən abadlıq və yenidənqurma işlərindən razılığını bildirib.
Məqalə müəllifi ilə əlaqə ünvanı: [email protected]