Belçika, Brüssel, 03 dekabr/ Trend ,
müxbir A.İsmayılova/ Avropa Komissiyası Azərbaycan,
Gürcüstan, Ermənistan, Moldova, Ukrayna və Belarusa daha
sıx əməkdaşlıq təklif edir.
AK, altı postsovet ölkəsi ilə
"Şərq Tərəfdaşlığı"
təşəbbüsünü dəstəkləmək
barədə qərar qəbul edib.
"Bu, sabitliyə, yaxşı idarəetməyə və bu
ölkələrdə çiçəklənməyə
yardım edir", - Komissiyanın prezidenti Joze Manuel Barrozu
çərşənbə günü Brüsseldə
jurnalistlərə bildirib.
Polşa və İsveç Şərq qonşuları
üçün vahid forumun - 26 dövlətin,
həmçinin, Ukrayna, Moldova, Belarus, Gürcüstan,
Ermənistan və Azərbaycanın daxil olacağı
"Şərq Tərəfdaşlığı"nın
yaradılması təşəbbüsü ilə
çıxış ediblər.
Yeni müqavilə azad ticarət zonasının tətbiqini,
ikitərəfli və çoxtərəfli strateji
sazişlərin bağlanılmasını nəzərdə
tutur.
Barrozunun sözlərinə görə, AK, siyasi və
iqtisadi problemlərin həllində "Şərq
Tərəfdaşlığı" ölkələrinə
kömək etmək istəyir.
"Biz bu qərarı indi qəbul etmişik və
Gürcüstandakı hadisələr ona təsir
göstərib", - o əlavə edib.
Bu ölkələri insan haqları, demokratiya ilə
bağlı problemlər birləşdirir, - prezident bildirib.
Komissiyanın yeni təşəbbüsü bu problemlərin
həllinə yönələcək. "Bu məqsədlə,
komissiya həmin ölkələrə maliyyə
dəstəyini artıracaq. 2008 - ci ildə ayrılmış
50 mln. avro 350 mln. avroyadək artırılacaq", - Barrozu qeyd
edib.
Müəlliflə əlaqə saxlamaq üçün elektron ünvan: [email protected]