Roterdam Məhkəməsi Maltanın FİMbank-nın Azərbaycan Dövlətinə qarşı  faktlarını  kifayət qədər inandırıcı saymadı

Azərbaycan, Bakı, 07 yanvar / Trend , müxbir S. Babayeva/ Çərşənbə günü Rabitə və İnformasiya Texnolоgiyaları Nazirliyindən (İRTN) bildiriblər ki, Roterdam Məhkəməsi Maltanın FİMbank-ı (First International Merchant Bank Ltd) tərəfindən Azərbaycan Dövlətinə qarşı olan sənədləri  kifayət qədər inandırıcı saymayıb.

"Məhkəmənin bu qərarını Azərbaycan tərəfinin xeyrinə hesab etmək olar", - deyə təşkilatdan bildirdilər.

Məhkəmənin qərarına əsasən, FIMBank altı həftə ərzində maltalıların iddialarını sübut edən əlavə faktlar təqdim etməlidir.

Əvvəllər nəzərdə tutulurdu ki, məhkəmə son qərarını 2008-ci ilin yayında elan edəcək, lakin işin cətinliyi nəzərə alınaraq, qərarın çıxarılması vaxtı uzadılıb.

İRTN öz tərəfindən bütün lazımı sənədləri təqdim edib, bu sənədlər arasında ən əsası isə - Fransa məhkəməsinin Azərbaycanın xeyrinə qəbul etdiyi qərar olub.

Maltanın  FIMbank-ı Azərbaycan Hökumətinə qarşı iddia və ümumi dəyəri 4,5 mln. dollar olan kreditləri ödəmək tələbi ilə çıxış edib. Bankdan bildirildiyinə görə, bu kreditlər dövlət təminatı altında Azərbaycanın iki telekommunikasiya şirkətinə verilib. FİMbank-ın ilk iddiası 2004-cü ilin iyulunda Roterdam və Paris Məhkəmələrinə verilib.

Azərbaycan Hökumətinin maraqlarının qorunması İRTN-ə tapşırılıb.

Məqalə müəllifi ilə əlaqə ünvanı [email protected]