Azərbaycan, Bakı, 22 yanvar / Trend , müxbir C.Babayeva/ Azərbaycan Milli Elmlər Akademiyası alimlərinin referendum üzrə təşəbbüs qrupu yaradılır.
"Milli Elmlər Akademiyasının institutlarında ilkin təşəbbüs qruplarının iclası keçirilib və nümayəndələr müəyyənləşdirilib. Təşəbbüs qrupunda 2000 nəfər təmsil olunacaq", - cümə axşamı Trend -a AMEA Rəyasət Heyətinin elmi katibi Sərxan Abbasov məlumat verib.
Abbasov təşəbbüs qrupunun təsis iclasının sabah keçiriləcəyini bildirib.
Trend -un arayışı: Martın 18 - də Konstitusiyanın 29 maddəsinə əlavə və dəyişikliklərin edilməsi məsələsi üzrə referendum keçiriləcək.
Referendum üzrə hələ 11 təşəbbüs qrupu yaradılıb. Bunlardan dördü imza vərəqələrini MSK-ya təhvil verib.
Azərbaycanın Konstitusiyası 1995 - ci ildə qəbul edilib, 2002 - ci ildə Əsas Qanuna əlavə və dəyişikliklər edilib.
Məqalə müəllifi ilə əlaqə ünvanı: [email protected]