Azərbaycan, Bakı, 23 yanvar / Trend , müxbir S. Kazımlı / Bakının Qaradağ rayon sakini dələduzluqla rastlaşıb. 62 yaşlı qadın Azərbaycan Respublikasının Dövlət Neft Şirkətinə (ARDNŞ) işə düzəltmək adı ilə 24 yaşlı oğlanın xeyli miqdarda pulunu alaraq mənimsəməkdə təqsirləndirilir, cümə günü Trend -a Səbail rayon Polis İdarəsinin (RPİ) 9-cu polis bölməsindən məlumat verilib.
Polis bölməsindən bildiriblər ki, Qaradağ rayonunun Ələt qəsəbəsinin sakini 24 yaşlı Eyvaz Tağıyev bir müddət öncə hüquq-mühafizə orqanlarına müraciət edərək 62 yaşlı Bakı sakini Rəna Həsənovanın onun xeyli miqdarda pulunu mənimsədiyini deyib. Araşdırma zamanı müəyyən edilib ki, Həsənova Tağıyevi ARDNŞ-də işə düzəltmək adı ilə ötən ilin yay aylarında sonuncudan 24 min manat pul alaraq mənimsəyib. Polis bölməsindən əlavə ediblər ki, hər iki şəxs polis əməkdaşları tərəfindən dindirilib və təhqiqatda toplanan materiallar araşdırılması üçün RPİ-nin istintaq şöbəsinə göndərilib. Hazırda faktla bağlı araşdırma aparılır. Həsənovanın əvvələr Azərbaycan Cinayət Məcəlləsinin bir neçə maddəsi ilə təqsirləndirilərək 31 il məhkum edildiyi bildirilir.
Məqalə müəllifi ilə əlaqə ünvanı:[email protected]
