Azərbaycan, Bakı, 29 yanvar/ Trend , müxbir Ü.Sadıqova/
İsrailin Azərbaycandakı səfirliyində Knessetə keçirilən seçkilərdə səs vermək üçün seçki məntəqəsi açılıb. İsrailin səfiri Artur Lenk və digər israilli diplomatlar burada səs veriblər, - səfirliyin press -relizində qeyd edilir.
İsrailin xaricdə fəaliyyət göstərən bütün səfirliklərində analoji seçki məntəqələri açılıb.
İsrail parlamentinə - Knessetə seçkilər fevralın 10-da keçiriləcək. Seçkilərdə 32 partiya iştirak edəcək.
Seçkilərdə əsas rəqiblər hakim Kadima partiyası və Benyamin Netanyahunun başçılığı ilə müxalif "Likud" bloku hesab olunur.
Fələstin - İsrail münaqişəsinin həllində partiyaların mövqeyi fərqlidir - Kadima fələstinlilərlə dialoq və sülh danışıqları prosesinin davam etdirilməsinin lehinə çıxış edir.
Müəlliflə əlaqə saxlamaq üçün elektron ünvan: [email protected]