...

İranda iki nəfər "Condullah" qruplaşması ilə əlbir olduğu üçün həbs edilib

Siyasət Materials 9 Fevral 2009 14:45 (UTC +04:00)

İran, Tehran, 09 fevral / Trend , müxbir A.Namdari / İranın Çabahar şəhərində iki nəfər şəxs "Condullah" terror təşkilatı ilə əlbir olmaqda ittiham olunaraq həbs olunub. Çabahar şəhər sakinləri Məhəmməd Bəhram Zehi və Məlik Məhəmməd Arameş Pakistana səfər ediblər. Səfərdən qayıtdıqdan sonra onlar İranın təhlükəsizlik qüvvələri tərəfindən həbs ediliblər və onların "Condullah" terror təşkilatının üzvləri olması barədə ittiham irəli sürülüb.

Həbs olunanların yaxın qohumları onlarla indiyədək bir dəfə görüşə biliblər. İranın təhlükəsizlik qüvvələri tərəfindən verilən məlumatda onların evindən silah-sursat, partlayıcı maddələrin müsadirə olunduğu bildirilir. Məlumatda deyilir ki, həbs olunan şəxslər Çabahar və İranşəhr şəhərlərinin şiə məscidlərində partlayışlar törətmək niyyətində olublar.

"Condullah" (Allahın ordusu) İranın Bəluçustan əyalətində sünni məzhəbli şəxlərdən təşkil olunmuş partizan qrupudur. Bu qrup İran İsalam Respublikasına qarşı silahlı mübarizə aparır. "Condullah" qrupunun başçısı Əbdül Malik Reygidir. O, İranın Bəluçustan əyalətinin Reygi tayfasındandır.

2008-ci ilin iyun ayında "Condolla" təşkilatının nümayəndələri Pakistanla sərhəddə yerləşən Sarvan regionunda 16 polis əməkdaşını, daha sonra isə üç "Sepah" üzvünü (İslam İnqilabı Keşikçiləri Korpusunun zabitlərini) girov götürmüşdülər.

"Condolla" lideri Reyginin rəhbərliyi altında bir neçə terror aktı həyata keçirilib. Bu aktlar arasında ən dəhşətlisi Tasukizabulda turistlərin öldürülməsi, içərisində "Sepah" üzvləri olan avtobusun partladılması, Sistan və Baluçistanda səsli bombaların partladılması olub. "Condulla" İran hökumətindən qruplaşmanın həbs olunmuş 200 üzvünün buraxılmasını tələb edir. Rəsmi Tehran bu təklifi rədd edir və danışıqlara başlamaq istəmir.

Xəbər lenti

Xəbər lenti