Аzərbaycan, Bakı, 12 fevral / Trend , müxbir А.Тanayev/ Qırğızıstan Baş naziri İqor Çudinovun Trend -ın Bişkekdəki xüsusi müxbirinə verdiyi məlumata görə, Qırğızıstan Azərbaycana elektrik lampaları, alman texnologiyası ilə istehsal edilən şüşə təbəqə, dam örtüyü və ərzaq məhsulları ixrac etməklə ölkələr arasındakı ticarət dövriyyəsi artırıla bilər.
Onun sözlərinə görə, son illərdə Qırğızıstanın xarici ölkələrlə ticarət dövriyyəsinin yarısı Azərbaycanın payına düşür. Azərbaycan əhəmiyyətli çəkiyə və stabil dinamikaya malikdir.
"Belə vəziyyət bizim ölkələrimizin real imkanlarını əks etdirmir və bunu inkişaf etdirmək lazımdır", - Çudinov bildirib.
Qırğızıstan Azərbaycandan neft məhsullarının, əsasən də münasib qiymətə aviabenzinin idxalına ehtiyac duyur.
Baş nazirin sözlərinə görə, Azərbaycanla ticarət-iqtisadi əlaqələri genişləndirmək üçün, hökümətlərarası komissiyanın fəaliyyəti lazımdır.
"Komissiyanın birinci iclasında sahibkarlıq subyektləri arasında birbaşa əlaqələrin qurulması, birgə müəssisələrin yaranması, ticarət dövriyyəsinin mükəmmələşdirilməsi, sənaye məhsulları ixracının genişləndirilməsi məsələlərini müzakirə etmək olar", - Baş nazir bildirib.
Məqalə müəllifi ilə əlaqə: [email protected]
