Azərbaycan, Bakı, 23 fevral / Trend , N.Abdullayeva/ Azərbaycan və İordaniya hərbi-texniki əməkdaşlığı genişləndirmək niyyətindədirlər.
"Azərbaycanın müdafiə naziri, general-polkovnik Səfər Əbiyev aprel ayında Əmmanda hərbi-texniki əməkdaşlığın perspektivlərini müzakirə edəcək", - bazar ertəsi Trend -a telefonla İordaniyadan Azərbaycanın bu ölkədəki səfiri Elman Araslı deyib.
"Səfərin dəqiq tarixi və proqram diplomatik kanallarla dəqiqləşdirilir", - Araslı məlumat verib.
Azərbaycan prezidenti İlham Əliyevin 2007-ci ildə İordaniyaya səfəri çərçivəsində, Əmmanda müdafiə sahəsində ikitərəfli müqavilə imzalanıb. Razılaşmaya əsasən, hərbi əməkdaşlıq üzrə birgə komissiya yaradılıb. Bu komissiyanın ilk iclası ötən ilin yayında Bakıda baş tutub. Tərəflər ikitərəfli əməkdaşlıq məsələlərinin geniş spektrini müzakirə ediblər. Bununla yanaşı, İordaniya ali təhsil müəssisələrində hərbi kadrların hazırlanması, təcrübə mübadiləsi və başqa qarşılıqlı maraq doğuran məsələlər müzakirə edilib.
Azərbaycan hərbi-texniki sahədə əməkdaşlıq üzrə 20 ölkə ilə müqaviləyə malikdir, 50-dən çox ölkə ilə isə bu sahədə əməkdaşlıq edir.
Məqalə müəllifi ilə əlaqə ünvanı: [email protected]
