Azərbaycan, Bakı, 03 mart / Trend , müxbir C.Babayeva /
Postsovet ölkələrinin yaşıllar partiyalarının birgə əməkdaşlıq məsələsi Avropa Yaşıllar Partiyasının martın 23-də Brüsseldə keçiriləcək III konfransında müzakirə olunacaq.
"Azərbaycan "yaşılları" Avropa ölkələrindən daha çox keçmiş sovet ölkələrinin "yaşılları" ilə əməkdaşlıqda maraqlıdırlar. Postsovet ölkələri arasında müəyyən uyğunluqlar var, Avropa ölkələrinin "yaşılları" ilə əməkdaşlıq nisbətən çətindir", - çərşənbə axşamı Trend -a Azərbaycan Yaşıllar Partiyasının (AYP) sədri Mais Güləliyev bildirib.
Trend -un arayışı: Azərbaycan Yaşıllar Partiyası 2007-ci ildə yaradılıb. Partiya Avropa Yaşıllar Partiyasının müçahidəçi statuslu üzvüdür və Gürcüstan Yaşıllar Partiyası ilə ötən il əməkdaşlıq memorandumu imzalayıb.
Güləliyevin sözlərinə görə, Avropa ölkələrinin "yaşılları" postsovet ölkələrinin "yaşılları" ilə əməkdaşlıqda maraqlıdırlar. "Brüsseldə konfrans zamanı Almaniya, Fransa, İtaliya, İsveç "yaşılları" ilə ikitərəfli görüşlər nəzərdə tutulub", - AYP sədri deyib.
Məqalə müəllifi ilə əlaqə ünvanı: [email protected]