...

Regionda siyasi stabilliyi iqtisadi vasitələrlə əldə etmək lazımdır – Türkmənistan Prezidenti

Siyasət Materials 12 Mart 2009 15:44 (UTC +04:00)

Türkmənistan, Aşqabad, 12 mart / Trend , müxbir H.Həsənov /

"Türkmənistan" qəzetinin cümə axşamı verdiyi xəbərə görə, Tehranda keçirilən İqtisadi Əməkdşlıq Təşkilatının (İƏT) sammitində çıxış edən Türkmənistan Prezidenti Qurbanqulu Berdimuhəmmədov bildirb ki, regionda siyasi stabilliyi iqtisadi vasitələrlə əldə etmək lazımdır.   

"Zaman yerində saymır və o, bizdən reallığı nəzərə alaraq əməkdaşlığa yeni yanaşma tələb edir. Regionda siyasi stabilliyi iqtisadi vasitələrlə əldə etmək və müxtəlif regionlarda maraqların tarazlığının dayanıqlığı üçün imkanları genişləndirmək çox vacibdir", - Türkmənistanın dövlət başçısı deyib.  

Berdimuhəmmədovun sözlərinə görə, Türkmənistan özünün neytral statusunu nəzərə almaqla İƏT-də assosiasiya olunmuş üzv şəklində iştirak edəcək. Bununla yanaşı, Berdimuhəmmədov Türkmənistanın üzərinə götürdüyü öhdəliklərə və birgə layihələrlə bağlı əvvəllər əldə olunmuş razılaşmalara sadiq qalacağını vurğulayıb.

Türkmənistan region miqyasında, o cümlədən 1992-ci ildən üzvü olduğu İƏT çərçivəsində əməkdaşlığın aktivləşməsinin tərəfdarıdır. Son zamanlar Aşqabad iqtisadi təhlükəsizliyn təminatı, su-enerji problemi və nəqliyyat-kommunikasiya dəhlizləri ilə bağlı bir sıra təkliflər irəli sürüb.

Rəsmi Aşqabad Tehran sammitini məqsəd və məramlarına 16 ildir ki sadiq qalan İƏT-in fəaliyyətində mühüm mərhələ kimi dəyərləndirir.

Strateji istiqamət kimi Berdimuhəmmədov enerji və nəqliyyat infrastrukturunun diversifikasiyasını qeyd edib. Məlum olduğu kimi, Aşqabad enerji daşıyıcıların dünya bazarına nəqlinin təhlükəsizliyi ilə bağlı təkliflə BMT-yə müraciət etmişdi və təklif təşkilatın Baş Assambleyasında müzakirə edilmişdi. Sözü gedən təklif 2008-ci ilin dekabr ayında İƏT üzvləri tərəfindən həmrəyliklə qəbul edilib.

Türkmənistan, həmçinin yeni Şimal-Cənub, Şərq-Qərb dəhlizlərinin, o cümlədən Avropadan İran körfəzi və Hindistanın dəniz limanlarına qısa yol açacaq Qazaxıstan-Türkmənistan-İran (Uzen-Qızılqaya-Bereket-Etrek-Qorqan xətti üzrə) dəmiryolu magistralının tikilişində iştirak edir.  

"Avrasiya məkanının digər ölkələri ilə əməkdaşlıq üçün geniş imkanlar yaradan nəqliyyat-kommunikasiya layihələrinin reallaşmasını aktivləşdirmək istiqamətində səy göstərmək lazımdır", - Berdimuhəmmədov vurğulayıb.  

İƏT Tehran, Ankara və İslamabadın təşəbbüsü ilə 1985-ci ildə yaradılıb. 1992-ci ildə isə Türkmənistan, Azərbaycan, Əfqanıstan, Qazaxıstan, Qırğızıstan, Tacikistan və Özbəkistan təşkilata qoşulublar. 

Məqalə müəllifi ilə əlaqə ünvanı: [email protected]

Xəbər lenti

Xəbər lenti