Azərbaycan, Bakı, 02 aprel / Trend /
Azərbaycan xarici işlər nazirinin müavini Xələf Xələfov bu gün Çinin Azərbaycanda yeni təyin olunmuş səfiri Çjan Yannyanın etimadnaməsinin surətini qəbul edib. Bu barədə çərşənbə günü Azərbacyan XİN-in mətbuat mərkəzi məlumat yayıb.
Görüşdə ikitərəfli siyasi, iqtisadi və humanitar sahələrdə əlaqələrin inkişaf səviyyəsindən və ölkələrin suverenliyi və ərazi bütövlüyündə hörmətə əsaslanan əlaqələrin bundan sonra da inkişaf etdirilməsindən razılıq ifadə olunub.