Azərbaydcan, Bakı, 03 mart / Trend , müxbirlər E.Tariverdiyeva, Y.Ostapenko /
Rusiyanın NATO yanında daimi nümayəndəsi Dmitri Raqozinin fikrincə, NATO alyansa formal olaraq daxil olmayan və olmaq istəməyən dövlətlərlə tərəfdaşlığa söykənən xeyirxah əlaqələr qurmalıdır.
"Bu ölkələrə Rusiya, Azərbaycan, Orta Asiya ölkələri aiddir", - Roqozin Trend -a telefon bağlantısı zamanı bildirib.
Roqozinin sözlərinə görə, sözügedən əməkdaşlığı əldə etmək üçün alyans Rusiya maraqlarına zidd hərəkətlərdən əl çəkməli və dünyada baş verən bir çox proseslərə əks mövqedən baxmalıdır.
"O zaman onlar NATO-nun hərəkətləri ilə bağlı narahatçılığımızı başa düşər və çox güman siyasətlərini dəyişərlər", - Roqozin hesab edir.
Rusiya və Şimali Atlantika blokunun münasibətləri NATO-nun cümə və şənbə günləri Stasburqda keçirilən yubiley sammitində müzakirə olunur.
Roqozin hesab edir ki, NATO Rusiya ilə yanaşı, digər neytral mövqe tutan və yaxud hər-hansı koalisiyaya qatılan ölkələrlə də yaxşı münasibət qurmalıdır.
Yubilley sammitinin vacib məsələlərindən biri də alyansın yeni baş katibinin seçilməsidir. ABŞ və Avropa tərəfindən dəstəklənən Danimarkanın Baş naziri Anders Foq Rasmussen bu posta ən real namizəddir. Yaap de Hoop Sxefferi əvəzləyəcək alyansın yeni başçısı avqustun 1-dən səlahiyyətlərinin icrasına başlayacaq.
"Cənab Rasmussen rusofil olmasa da onun islam aləmi ilə böyük problemləri var. Hazırda islam dünyası ilə münasibətləri yumşaltmaq barədə düşünmək lazımdır", - Roqozin deyib.
2006-cı ildə Danimarkanın Jyllands-Posten qəzetində çap olunan Məhəmməd peyğəmbərin karikaturalarından sonra hər bir danimarkalı kimi Rasmussen də islam dünyasının rəğbətindən kənardadır.
"Bizi daha az emosionallıq və yeni baş katibin edəcəyi işlər maraqlandırır. Vacib olan odur ki, alyansın yeni katibinin vaxtında NATO-nun siyasəti Sxefferin dönəmində olduğundan pis olmasın", - Roqozin vurğulayıb.
Məqalə müəllifi ilə əlaqə ünvanı: [email protected]
