Gürcüstan, Tbilisi, 10 aprel / Trend , müxbir N.Kirtsxaliya /
Aİ nümayəndələri Gürcüstanda müxalifətin aksiyalarının gedişi prosesindən razıdırlar. Bu barədə bu gün Aİ-nin Cənubi Qafqaz üzrə xüsusi nümayəndəsi Piter Semnebi və Aİ-də sədrlik edən Çexiyanın səfiri İvan Estrabla görüşündən sonra Gürcüstan XİN rəhbəri Qriqol Vaşadze deyib.
"Onlar müxalifətin sivilizasiyalı etiraz aksiyası formasından və hakimiyyətin dünənki hadisələr zamanı fəaliyyətindən razılıqlarını bildiriblər", - o, qeyd edib.
Vaşadze vurğulayıb ki, Aİ nümayəndələri "Gürcüstan cəmiyyətinin nail olduğu demokratiyanın yüksək səviyyəsini" qeyd ediblər.
Aİ nümayəndələri heç bir bəyanat verməyib. Onlar Gürcüstan rəhbərliyi, müxalifət nümayəndələri və QHT-lərlə görüşləri davam etdirirlər.
Məqalə müəllifi ilə əlaqə ünvanı: [email protected]