Azərbaycan, Bакı, 29 aprel / Trend , müxbir A.Hüseynbala /
Azərbaycanın bir neçə müxalifət partiyasının təmsil olunduğu hərəkat bələdiyyə seçkilərində siyasi blok kimi iştirak etmək niyyətindədir.
"Hərəkatın bu gün keçirilən iclasında partiyaların iyun ayının axırına qədər bələdiyyə üzvlüyünə namizədlərin müəyyənləşdirilməsi barədə qərar çıxarılıb", - çərşənbə günü Trend -a "Qarabağ və Respublika Uğrunda Hərəkat"da təmsil olunan Ümid Partiyasının sədri, millət vəkili İqbal Ağazadə bildirib.
Trend -un arayışı: Azərbaycanda bələdiyyə seçkisi 2009-cu ilin payızında, parlament seçkisi isə 2010-cu ilin payızında keçirilməlidir. Bundan əvvəl iki dəfə - 1999 və 2004-cü illərdə yerli özünüidarəetmə orqanlarına seçkilər keçirilib.
Ağazadənin sözlərinə görə, hərəkat bələdiyyə seçkilərində özü ayrıca blok kimi iştirak edəcəyindən Demokratiya Uğrunda İttifaqın (DUİ) əməkdaşlıq təklifini də qəbul etməyib. "İttifaqın təklifi müzakirə edildi və hərəkatda təmsil olunan partiyalar arasdında ümumi razılıq əldə olunmadı", - partiya sədri əlavə edib.
"Qarabağ və Respublika Uğrunda Hərəkat"ı Azərbaycan Xalq Cəbhəsi, Vətəndaş və İnkişaf, Liberal, Demokrat, Müsavat və Ümid partiyaları, eləcə də bir neçə ictimai təşkilat təsis edib.
Dеmоkrаtiyа Uğrunda İttifаqı 2005-ci il parlamеnt seçkisindən sonra müxalifətçi Klassık Xalq Cəbhəsi, Azadlıq və Milli Demokratiya partiyaları yаrаdıb. 2008-ci il sеntyаbrın əvvəllərində Böyük Azərbаycаn, nоyаbr аyındа isə Хаlq pаrtiyаlаrı DUİ-yə üzv qəbul оlunub. İttifаq bu pаrtiyaların məşvərət və əməkdaşlıq qurumudur.
Məqalə müəllifi ilə əlaqə ünvanı:[email protected]