Azərbaycan, Bakı, 09 iyul / Trend , müxbir Y.Ostapenko /
Niderlandın Nazirlər Kabineti Azərbaycan paytaxtında səfirlik açmaqla bağlı qərar qəbul edib. Bu barədə Haaqadan telefonla Xarici İşlər Nazirliyinin mətbuat katibi Aad Meyer məlumat verib.
Səfirliyin açılması təklifini Niderlandın xarici işlər naziri Maksime Ferhaqen (Maxime Verhagen) irəli sürüb.
"Nazirlikdə əməkdaşların sayının azalmasına baxmayaraq, mən Bakıda səfirliyin açılmasına çox şad oldum, - Ferhagen deyib. - Bizim Azərbaycanla ikitərəfli münasibətlərimiz, şübhəsiz ki, Azərbaycanın Aİ ilə münasibətləri kimi möhkəmlənir".
Səfirlik Niderland müəssisələrinın mənafeyi üçün çalışacaq və energetika sahəsində əməkdaşlıqla məşğul olacaq.
Niderland səfiri Avropa Birliyinin Bakıdakı digər səfirləri ilə, eləcə də Tbilisi və Ankaradakı səfirliklərlə sıx əlaqədə işləyəcək.
Azərbaycanın Niderlanddakı səfirliyi 2007-ci ildə açılıb. Səfir Fuad İsgəndərovdur.
Azərbaycanın Niderland ilə mal dövriyyəsi 2009-cu ilin yanvar-aprel aylarında 17,8 milyon dollar təşkil edib.
Məqalə müəllifi ilə əlaqə ünvanı: [email protected]