Azərbaycan, Bakı, 09 noyabr / Trend , müxbir A.Hüseynbala/
Azərbaycanın bir qrup müxalifət partiyasının təmsil olunduğu ittifaqın Məclisinin əsasnaməsinin hazırlanması haqda qərar qəbul edilib.
"İttifaqda təmsil olunan partiyaların Sədrlər Şurasının toplantısında yaxın müddətdə əsasnamənin hazırlanması üçün müvafiq tapşırıqlar verilib", - bazar ertəsi Trend -a Demokratiya Uğrunda İttifaqda (DUİ) təmsil olunan Böyük Azərbaycan Partiyasının (BAP) sədri Elşad Musayev bildirib.
Trend -un arayışı: Dеmоkrаtiyа Uğrunda İttifаqı 2005-ci il parlamеnt seçkisindən sonra müxalifətçi Klassık Xalq Cəbhəsi, Azadlıq və Milli Demokratiya partiyaları yаrаdıb. 2008-ci il sеntyаbrın əvvəllərində Böyük Azərbаycаn, nоyаbr аyındа isə Хаlq pаrtiyаlаrı DUİ-yə üzv qəbul оlunub. İttifаq bu pаrtiyaların məşvərət və əməkdaşlıq qurumudur. Oktyabr ayında Milli Demokratiya Partiyası DUİ-dən çıxarılıb və Qurtuluş Partiyasının quruma üzv qəbul olunması haqda qərar verilib.
Musayevin sözlərinə görə, Məclisdə partiyaların təmsil olunması ilə bağlı müxtəlif təkliflər var. "Təkliflərdən birinə görə ittifaqın üzvü olan partiyaların üzvlərinin həmin qurumda təmsil olunmasına məhdudiyyət qoyulmamalıdır. Digər bir təklifə görə, əsasnamədə partiyaların üzvü olmayan ziyalıların, cəmiyyətdə tanınan digər insanların da Məclisə üzv olmasına şərait yaradan müddəa öz əksinin tapmalıdır", - partiya sədri əlavə edib.
Onun fikrincə, əsasnamə DUİ-nin Sədrlər Şurasının növbəti iclasında qəbul olunarsa, elə həmin gün Məclisin yaradılması ilə bağlı qərar elan ediləcək.
Məqalə müəllifi ilə əlaqə ünvanı: [email protected]
