Azərbaycan, Bakı, 2 aprel /Trend, müxbir S.Ağayeva/
Avropa Şurası Parlament Assambleyasının (AŞPA) sədri Mövlud Çavuşoğlu bu beynəlxalq təşkilatın rəhbəri postunda ilk dəfə aprelin 14-16-da Azərbaycanda rəsmi səfərdə olacaq. Bu barədə Trend-ə AŞPA-dan məlumat verilib.
Səfər zamanı AŞPA rəhbəri Azərbaycanın rəsmi şəxsləri ilə görüşlərin keçirilməsini və ölkə ilə əməkdaşlıq perspektivlərinin müzakirəsini planlaşdırır.
Avropa Şurası Parlament Assambleyasında Türkiyə nümayəndə heyətinin eks-rəhbəri Mövlud Çavuşoğlu yanvarda bu təşkilata yenidən sədr seçilib.
41 yaşlı türkün namizədliyinə assambleya üzvlərinin çoxu səs verib. O, təşkilata iki il rəhbərlik edəcək
Ondan əvvəl AŞPA-ya ispaniyalı Luis Mariya de Puç sədrlik edib.