Azərbaycan, Bakı, 26 aprel /Trend, müxbir Ü.Sadıxova/
Müxtəlif konfessiyaların nümayəndələri Fələstin, İraq, Əfqanıstan və Dağlıq Qarabağda işğalın qarşısının alınması üçün birləşməlidir. Bu barədə İran İslam Respublikası konfessiyalararası yaxınlaşma komitəsinin rəhbəri ayətullah Məhəmməd Əli Təsxiri Bakıda dini liderlərin Ümumdünya sammitində bildirib.
"Biz Fələstin, İraq, Əfqanıstan və Dağlıq Qarabağda işğalın qarşısını almaq üçün öz səylərimizi əlaqələndirməliyik", - Təsxiri deyib.
"İşğala qarşı çıxmaq və qloballaşmadan imtina etmək lazımdır", - o əlavə edib.
Dünya liderlərinin Bakı sammitində dünyanın 35 ölkəsindən müxtəlif konfessiyaların 250 nümayəndəsi iştirak edir.