Prezident Ilham Əliyev çərşənbə axşamı bir neçə şəxsləri Azərbaycan Respublikasının Elm, mədəniyyət və ədəbiyyat üzrə Dövlət Mükafatları ilə təltif edilməsi barədə sərəncam imzalayıb. Məlumatı AzərTAc Dövlət İnformasiya Agentliyi yayıb.
Komissiyasının təklifləri əsasında 2010-cu il üçün Azərbaycan Respublikasının Elm, mədəniyyət və ədəbiyyat üzrə Dövlət Mükafatları aşağıdakı şəxslərə verildi:
Elm sahəsi üzrə
Geologiya-mineralogiya elmləri doktoru Adil Abas Əli oğlu Əliyevə,
geologiya-mineralogiya elmləri doktoru Elmira Hacı Murad qızı Əliyevaya,
geologiya-mineralogiya elmləri doktoru Fərid Həsən oğlu Dadaşova,
Azərbaycan Milli Elmlər Akademiyasının müxbir üzvü Əkpər Əkpər oğlu Feyzullayevə,
Azərbaycan Milli Elmlər Akademiyasının akademiki İbrahim Səid oğlu Quliyevə
- "Cənubi Xəzər hövzəsinin palçıq vulkanizmi və neft-qazlılığı" elmi nəşrlər silsiləsinə görə.
Mədəniyyət sahəsi üzrə
Xalq Artisti Alim Həmzə oğlu Qasımova - ifaçılıq fəaliyyətinə görə.
Ədəbiyyat sahəsi üzrə
Azərbaycan Milli Elmlər Akademiyasının akademiki Bəkir Əhməd oğlu Nəbiyevə,
filologiya elmləri doktoru Məhərrəm Paşa oğlu Qasımlıya,
Azərbaycan Milli Elmlər Akademiyasının müxbir üzvü Teymur Həşim oğlu Kərimova,
filologiya elmləri doktoru Vilayət Muxtar oğlu Quliyevə,
filologiya elmləri üzrə fəlsəfə doktoru Nikpur Mirhüseyn oğlu Cabbarlıya,
filologiya elmləri doktoru Nizaməddin Şəmsəddin oğlu Şəmsizadəyə
- "Heydər Əliyev və Azərbaycan ədəbiyyatı" kitabına görə.