...

ATƏT-in fəaliyyətdə olan sədri Əfqanıstan üzrə beynəlxalq konfransda iştirak edəcək

Siyasət Materials 19 İyul 2010 14:39 (UTC +04:00)
ATƏT-in fəaliyyətdə olan sədri, Qazaxıstanın xarici işlər naziri Kanat Saudabayev sabah Kabildə keçiriləcək Əfqanıstan üzrə beynəlxalq konfransda iştirak edəcək. Bu barədə Trend-ə Qazaxıstan XİN-in mətbuat katibi İlyas Ömərov bildirib.

Azərbaycan, Bakı, 19 iyul /Trend, müxbir S.Süleymanov/

ATƏT-in fəaliyyətdə olan sədri, Qazaxıstanın xarici işlər naziri Kanat Saudabayev sabah Kabildə keçiriləcək Əfqanıstan üzrə beynəlxalq konfransda iştirak edəcək. Bu barədə Trend-ə Qazaxıstan XİN-in mətbuat katibi İlyas Ömərov bildirib.

Onun sözlərinə görə, konfransa dünyanın 70-dən çox ölkəsinin, beynəlxalq və regional təşkilatların, eləcə də maliyyə institutlarının nümayəndələri dəvət olunub.

"İştirakçıların diqqətinə Əfqanıstan hökuməti tərəfindən hazırlanan ölkədə inkişafın yaxşılaşdırılması, idarəetmə və sabitlik planı çatdırılacaq", - Ömərov qeyd edib.

Onun fikrincə, Kabil konfransı öz-özlüyündə Əfqanıstan hökumətinin iqtisadi artımın və iş yerlərinin yaradılmasına istiqamətlənən milli proqramlar çərçivəsində həyata keçirilən intensiv işinin və siyasətinin prioritetlərinin yekunu olacaq.

"Londan konfransında qəbul edilən öhdəliklərdən (2010, yanvar) çıxış edərək, Kabildəki tədbir əfqan hakimiyyətinin dinc, sabit və çiçəklənən Əfqanıstanın yaradılması üzrə səylərinə kömək etmək üçün təşkil edilir", - Ömərov bildirib.

Onda olan məlumata görə, konfransda Əfqanıstan Prezidenti Həmid Kərzai və BMT-nin baş katibi Pan Gi Mun, Əfqanıstanın xarici işlər naziri Zulmay Rəsul və BMT-nin Əfqanıstan üzrə xüsusi elçisi Stefan de Mistura çıxış edəcəklər.

"Kabildəki beynəlxalq konfrans Əfqanıstanın beynəlxalq ictimaiyyətlə qarşılıqlı əlaqəsinin yeni mərhələsidir. Konfransın başlıca məqsədi Əfqanıstanın Milli inkişaf strategiyasına uyğun olaraq, "əlverişli" milli proqramlar üçün beynəlxaq etimad və resursların səfərbər edilməsindən ibarətdir", - Ömərov vurğulayıb.

Xəbər lenti

Xəbər lenti