Azərbaycan, Bakı, 28 iyul /Trend, müxbir K.Zərbalıyeva/
Azərbaycanda qeyri-kommersiya hüquqi şəxslərinin dövlət reyestri Ədliyyə Nazirliyi və nazirliyin rayon (şəhər) qeydiyyat şöbələri, Dini Qurumlarla İş üzrə Dövlət Komitəsi və Naxçıvan Muxtar Respublikasının Ədliyyə Nazirliyi tərəfindən öz səlahiyyətləri daxilində aparılacaq.
Trend-in məlumatına görə, bu barədə Nazirlər Kabinetinin "Hüquqi şəxslərin dövlət reyestrinin aparılması, istifadəsi və mühafizəsi qaydaları", "Dövlət reyestr kitabı", "Qeyri-kommersiya hüquqi şəxslərinin dövlət qeydiyyatı haqqında şəhadətnamə", "Qeyri-kommersiya qurumlarının dövlət reyestrindən çıxarışın forması və çıxarışda göstərilən məlumatların həcmi" və "Qeyri-kommersiya qurumlarının dövlət qeydiyyatına alınması barədə ərizənin forması"nın təsdiq edilməsi haqqında" 13 aprel 2005-ci il tarixli 70 nömrəli qərarına dəyişikliklər və əlavə edilməsi barədə qərarında qeyd olunub.
"Qeyri-kommersiya qurumlarının dövlət reyestrindən çıxarışın forması və çıxarışda göstərilən məlumatların həcmi"nə 2 nömrəli əlavəyə "Hüquqi varislik" adlı 15-ci bənd əlavə edilib.
Həmin qərarla təsdiq edilmiş "Xarici hüquqi şəxslərin filial və nümayəndəliklərinin dövlət reyestri"nin adında "Xarici hüquqi şəxslərin" sözləri "Xarici qeyri-kommersiya hüquqi şəxslərinin" sözləri ilə əvəz edilib.