"Rosoboroneksport" Rusiyanın guya Azərbaycana iki S-300 zenit-raket kompleksi divizionu təchiz etməsi barədə yayılan məlumatı təkzib edib.
"Rusiya və Azərbaycanın bu ölkəyə S-300 zenit-raket komplekslərinin təchizi ilə bağlı müqaviləsi yoxdur", - cümə axşamı "RİA Novosti"yə "Rosoboroneksport"un rəsmi nümayəndəsi Vyaçeslav Davıdenko deyib.
"Vedomosti" qəzetinin yazdığına görə, Azərbaycan Müdafiə Nazirliyi və "Rosoboroneksport" Azərbaycana iki S-300 PMU-2 "Favorit" divizionu təchiz etmək barədə müqavilə bağlayıblar.