Türkiyənin xarici siyasət kursunun əsas prioritetlərindən biri Qafqaz regionunda uzunmüddətli sabitliyin bərqərar olmasıdır. Bu barədə Türkiyə Prezidenti Abdullah Gül Azərbaycana rəsmi səfəri ərəfəsində bəyan edib, - Anadolu agentliyi yazır.
Türkiyə Respublikası rəhbərinin səfəri bazar ertəsi başlayır və 2 gün davam edəcək.
Türkiyə Prezidentini XİN rəhbəri Əhməd Davudoğlu və energetika naziri Taner Yıldız müşayiət edəcəklər.
Gülün sözlərinə görə, Türkiyə Qafqazdakı prosesləri diqqətlə izləyir, uzunmüddətli və möhkəm sülhün bərqərar olunmasında fəal iştirak edir.
Gül deyib ki, bu məsələ Bakıdakı rəsmi görüşlərin gündəliyində əsas mövzulardan biridir.