Azərbaycan, Bakı, 2 sentyabr /Trend, müxbir T.Hacıyev/
Azərbaycanın müxalif Demokrat Partiyasında yeni təyinat olub. Trend-in ADP-nin mətbuat xidmətinə istinadən verdiyi məlumata görə, Cəmil Hacıyev ADP sədrinin gənclərlə iş üzrə müavini təyin edilib.
Azərbaycan Demokrat Partiyası 1991-ci ildə Naxçıvan şəhərində təsis olunub. 14 mart 1993-cü ildə Ədliyyə Nazirliyində qeydiyyatdan keçib. Partiyanın ideologiyasının əsasında liberal-demokratik dəyərlər durur. Siyasi sistemdə sol mövqeyi təmsil edir. Partiyaın hazırkı sədri Sərdar Cəlaloğludur.