Gürcüstan, Tbilisi, 15 oktyabr /Trend, müxbir N.Kirsxaliya/
Gürcüstanın Baş naziri Nika Qilauri bu gün Azərbaycanın xarici işlər naziri Elmar Məmmədyarov ilə görüşüb. Görüş bağlı qapılar arxasında keçirilib. Bu barədə Trend-ə Baş nazirin mətbuat xidmətindən bildiriblər.
Məlumata görə, tərəflər iki ölkə arasında iqtisadi əməkdaşlıq məsələlərini, eləcə də neft və qaz tranzitinin inkişaf imkanlarını müzakirə ediblər.
Qilauri və Məmmədyarov iki ölkə arasında mövcud münasibətlərin səviyyəsindən razı qaldıqlarını bildiriblər.