Azərbaycan, Bakı, 16 oktyabr /Trend, müxbir S.Süleymanov/
ATƏT sammitinin keçirildiyi günlərdə, yəni dekabrın 1-2-də Astana aeroportu daxili reyslər üçün bağlı olacaq və milli aviadaşıyıcı "Eyr Astana" bilet satışını dayandırıb. Bu barədə Qazaxıstanın "Liter" qəzeti şirkətin nümayəndəsinə istinadən yazır.
"Doğrudur, şirkətin nümayəndəsi deyib ki, bu barədə hələ yekun qərar qəbul edilməyib. O izah edib ki, aeroportun rəhbərliyi sammit iştirakçılarının sayını və onların qəbul günlərini müəyyənləşdirməlidir, daha sonra "pəncərə (reyslər arasındakı) yenidən bölüşdürüləcək", - qəzet yazır.
"Eyr Astana"nın məlumatına görə, səhər saatlarında 70 təyyarə gəlməlidir. Bu o deməkdir ki, təyyarələr hər beş dəqiqədən bir yerə enəcəklər. Və onların hamısına pilləkən lazımdır, xüsusi öyrədilmiş sürücülərin idarə etdiyi yedəklər lazımdır, havaya qalxmazdan əvvəl təyyarələrin yuyulması üçün donma əleyhinə maşınlar lazımdır, növbə yaratmaq yolverilməzdir.
"Həm də 70 təyyarə üçün dayanacaqlar lazım olacaq ki, artıq Astana aeroportunda onların tikintisinə başlanılıb", - "Liter" xəbər verir.