...

İran Parlamentinin iki nümayəndəsi məhkəməyə çağırılıb

Siyasət Materials 24 Noyabr 2010 11:40 (UTC +04:00)
İran Parlamentinin "mühafizəkarlar" düşərgəsindən olan (hakim koalisiya) iki nümayəndəsi İlyas Naderan və Əlirza Zəkani ötən gün Tehran məhkəməsinə çağırılıb.

İran Parlamentinin "mühafizəkarlar" düşərgəsindən olan (hakim koalisiya) iki nümayəndəsi İlyas Naderan və Əlirza Zəkani ötən gün Tehran məhkəməsinə çağırılıb. Bu barədə İranın "Tehran" qəzeti məlumat verir.

Məlumata görə, Naderan İran Prezidentinin birinci müavini Məhəmmədrza Rəhiminin, Zəkani isə Azad İslam Universitetinin rektoru Abdullah Casbinin şikayəti əsasında izahat vermək üçün məhkəməyə çağırılıb.

Bundan öncə İran Parlamentinin nümayəndəsi Naderan ölkənin birinci vitse-prezidenti Məhəmmədrza Rəhiminin doktorluq diplomunun saxta olduğunu iddia edib. O, ötən gün məhkəmədə bu iddiasını yenidən təkrarlayıb və özünü müdafiə edib.

Digər nümayəndə Zəkani isə Azad İslam Universitetində qanunsuzluqların baş verdiyini iddia edib və bu universitetin rektoru Casbinin şikayəti ilə məhkəməyə çağrılıb. O, ötən gün məhkəmədə bu iddiası ilə bağlı hakim qarşısında cavab verib.

Xəbər lenti

Xəbər lenti