Azərbaycan Prezidenti İlham Əliyev bir sıra beynəlxalq sazişləri imzalayıb.
"Xəzər dənizində təhlükəsizlik sahəsində əməkdaşlıq haqqında" 2010-cu il noyabrın 18-də Bakı şəhərində imzalanmış Saziş təsdiq edilib, məlumatı AzərTAc Dövlət İnformasiya Agentliyi yayıb.
Azərbaycan Respublikası, İran İslam Respublikası, Qazaxıstan Respublikası, Rusiya Federasiyası və Türkmənistan Prezidentlərinin 2010-cu il noyabrın 18-də Bakı şəhərində imzalanmış Birgə Bəyanatı təsdiq edilib.
Azərbaycan Respublikası Hökuməti və İtaliya Respublikası Hökuməti arasında diplomatik və xidməti pasportlara malik şəxslərin viza tələbindən azad edilməsi haqqında" 2010-cu il dekabrın 7-də Bakı şəhərində imzalanmış Saziş təsdiq edilib
"Azərbaycan Respublikası və Portuqaliya Respublikası arasında diplomatik, xidməti və xüsusi pasportlara malik şəxslər üçün vizaların ləğv edilməsi haqqında" 2010-cu il noyabrın 20-də Lissabon şəhərində imzalanmış Saziş təsdiq edilib.
"Azərbaycan Respublikası Hökuməti və Qazaxıstan Respublikası Hökuməti arasında mülki müdafiə, fövqəladə halların qarşısının alınması və aradan qaldırılması sahəsində əməkdaşlıq haqqında" 2010-cu il oktyabrın 6-da Astana şəhərində imzalanmış Saziş təsdiq edilib.
"Azərbaycan Respublikası Hökuməti və Monteneqro Hökuməti arasında diplomatik və xidməti pasportlara malik şəxslər üçün vizaların ləğv edilməsi haqqında" 2010-cu il noyabrın 26-da Bakı şəhərində imzalanmış Saziş təsdiq edilib.
Azərbaycan Prezidenti bir sıra beynəlxalq sazişləri imzalayıb
Azərbaycan Prezidenti İlham Əliyev bir sıra beynəlxalq sazişləri təsdiq edib