Azərbaycan, Bakı, 4 aprel /Trend, müxbir S.Ağayeva/
MDB Xarici İşlər Nazirləri Şurasının Kiyevdə keçirilən iclasında Azərbaycanı xarici işlər nazirinin müavini Xələf Xələfov təmsil edəcək. Bu barədə Trend-ə Xarici İşlər Nazirliyin mətbuat xidmətindən məlumat verilib.
MDB XİN Şurasının növbəti iclası aprelin 8-də Kiyevdə keçiriləcək. Görüşdə MDB dövlət başçılarının iyunda Böyük Vətən müharibəsinin başlanmasının 70-ci ildönümü ilə əlaqədar müraciətinin mətni, dekabrda MDB-nin 20 illiyi münasibətilə müraciətinin mətni, MDB hava hücumundan birgə müdafiəyə dair sazişlə bağlı layihə, həmçinin, Fundamental Elm sahəsində Əməkdaşlıq Şurasının yaradılması haqqında saziş layihəsi müzakirə olunacaq.