Azərbaycan, Bakı, 30 aprel /Trend, müxbir M.Əliyev/
Azərbaycan gənclər və idman naziri Azad Rəhimov Naxçıvan Open 2011 Şahmat festivalının bağlanışında iştirak edəcək. Trend-ə bu barədə Nazirliyin mətbuat xidmətindən bildiriblər.
Naxçıvan Muxtar Respublikasında Ümummilli lider Heydər Əliyevin xatirəsinə həsr olunmuş Naxçıvan Open 2011 Şahmat festivalı 1 may tarixində sona çatır.
23 aprel tarixindən start götürmüş festivalda Azərbaycan da daxil olmaqla 12 ölkədən 160-a yaxın şahmatçı iştirak edirdi.
Bağlanış Festival Naxçıvan Şahmat mərkəzində saat 18.00-da olacaq.