Azərbaycan, Bakı, 26 may /Trend/
Serbiya Daxili İşlər Nazirliyinin xüsusi təyinatlı birləşməsinin keçirdiyi xüsusi əməliyyat zamanı Bosniya serblərinin hərbi qüvvələrinin komandanı Radko Mladiç həbs olunub. Trend-in məlumatına görə, bunu Serbiya Prezidenti Boris Tadiç keçirdiyi mətbuat konfransında təsdiq edib.
Saxlanan şəxsin Radko Mladiç olub-olmadığı araşdırılırdı. O özünü xüsusi təyinatlılara Milorad Komadiç adı ilə təqdim edib. Həbs olunan şəxsdən DNK analizi götürülüb.
Yuqoslaviyada törədilmiş hərbi cinayətlər üzrə yaradılmış Beynəlxalq Tribunal Radko Mladiçi 1992-1995-ci illərdə Bosniya-Herseqovinada hərbi cinayətlər törətməkdə ittiham edir.
Avropa Birliyi Serbiya dövlətindən Radko Mladiçin həbs olunaraq təhvil verilməsini istəyirdi.