Azərbaycan, Bakı, 17 noyabr / Trend müxbir M.Əliyev/
Səsvermə prosesinin bilavasitə elektron formada keçirilməsi məsələsi hələki gündəlikdə deyil. Bunu cümə axşamı Trend-ə Mərkəzi Seçki Komissiyasının (MSK) sədri Məzahir Pənahov bildirib.
Onun sözlərinə görə, Azərbaycan dövləti 2000-ci ildə seçkilərdə elektron səsvermə həyata keçirib.
"2000-ci il parlament seçkilərində bir sıra seçki məntəqələrində pilot layihələr uğurla reallaşıb", - MSK sədri qeyd edib.
Pənahov hesab edir ki, elektron səsvermənin keçirilməsində heç bir problem yoxdur. Avropa ölkələrində də elektron səsvermənin geniş tətbiq olunmadığını qeyd edən MSK sədri bunu əlavə xərc hesab edir.
Pənahov hazırda Seçkilər İnformasiya Mərkəzinin fəaliyyət göstərdiyini də xatırladıb.
Seçkilər İnformasiya Mərkəzi sayəsində günün müəyyən hissəsi üçün seçki nəticələrinin 50%-dən çoxu MSK-nın internet səhifəsində yerləşdirilir. Günün sonu üçün artıq nəticələrin 90%-i MSK-nın rəsmi saytında yerləşdirilir. Tək dairə deyil, məntəqə üzrə də seçicilərin seçki nəticələri ilə tanış olmaq imkanı var.
...
