Azərbaycan, Bakı, 30 avqust /Trend/
Azərbaycan Prezidenti İlham Əliyev Qırğız Respublikasının Prezidenti Almazbek Atambayevə Malayziyanın Ali Başçısı Tuanku Abdul Halim Müədzəm Şah ibni əl-Məhrum Sultan Badlişaha təbrik məktubu ünvanlayıb.
"Qırğız Respublikasının milli bayramı - Dövlət müstəqilliyi günü münasibətilə Sizi və bütün xalqınızı şəxsən öz adımdan və Azərbaycan xalqı adından ürəkdən təbrik edirəm.
Əminəm ki, Azərbaycan-Qırğızıstan dostluğunun ənənələrini özündə yaşadan ikitərəfli münasibətlərimizin inkişafı, əməkdaşlığımızın bütün sahələrdə dərinləşdirilməsi istiqamətində bundan sonra da birgə səylər göstərəcəyik", - Qırğızıstanın dövlət başçısına ünvanlanan təbrikdə deyilir.
İlham Əliyev Almazbek Atambayevə möhkəm cansağlığı, işlərində uğurlar, dost Qırğızıstan xalqına sülh və firavanlıq arzulayıb.
"Ölkənizin milli bayramı - Müstəqillik günü münasibətilə Sizi və bütün xalqınızı öz adımdan və Azərbaycan xalqı adından səmimi qəlbdən təbrik edirəm.
Əminəm ki, Azərbaycan-Malayziya münasibətlərinin, ölkələrimiz arasındakı dostluq əlaqələrinin möhkəmlənməsi, əməkdaşlığımızın genişlənməsi yolunda səylərimiz daim xalqlarımızın rifahına töhfələr verəcəkdir. Belə bir əlamətdar gündə Sizə ən xoş arzularımı yetirir, dost Malayziya xalqına əmin-amanlıq və rifah diləyirəm", - Malayziyanın Ali Başçısına ünvanlanan məktubda bildirilir.