Azərbaycan, Bakı, 29 yanvar /Trend/
Fransada səfərdə olan Azərbaycanın xarici işlər naziri Məmmədyarov Fransa Prezidentinin diplomatik məsələlər üzrə müşaviri Jan Pol Ortiz ilə görüşüb.
XİN-in mətbuat xidmətindən Trend-ə verilən məlumata görə, görüş zamanı Azərbaycan ilə Fransa arasındakı ikitərəfli münasibətlərin hazırkı vəziyyəti müzakirə edilmiş, Ermənistan-Azərbaycan münaqişəsi və münaqişənin sülh yolu ilə həlli prosesi, həmçinin regional təhlükəsizlik məsələləri ilə bağlı fikir mübadiləsi aparılıb.