Azərbaycan, Bakı, 23 iyul /Trend/
ABŞ hərbçiləri ehtiyac yaranacağı təqdirdə, Suriya ordusunun obyektlərinə hava hücumundan müdafiə sistemləri və komanda məntəqələrindən məhdudlaşdırılmış məsafəli zərbələr endirmək üzrə plan hazırlayıblar. Trend-in RİA Novosti-yə istinadən verdiyi məlumata görə, bunu ABŞ Silahlı Qüvvələrinin Qərargah rəislərinin birləşmiş komitəsinin sədri Martin Dempsi deyib.
M.Dempsi bildirib: "Potensial məqsəd hava hücumundan müdafiə qüvvələri, Hərbi Hava Qüvvələri, "yer-yer" tipli raketlər, raket qurğuları, donanma, yardımçı hərbi obyektlər və komanda məntəqələrini birləşdirir".
Onun sözlərinə görə, belə hücumlar üçün yüzlərlə təyyarə, gəmi, sualtı qayıq və digər vasitələr tələb olunur: "Xərclər milyardlarla ölçülə bilər".
Qeyd edək ki, rəsmi Vaşinqton Prezident Bəşşar Əsəd rejimi ilə silahlı mübarizə aparan Suriya müxalifətini dəstəkləyir.