Azərbaycan, Bakı, 8 oktyabr /Trend, müxbir R.Hafizoğlu/
Türkiyənin demokratikləşmə üzrə tədbirlər paketi ölkənin gələcəyinə istiqamətlənib. Trend-in "TRT Haber" telekanalına istinadən verdiyi məlumata görə, bu barədə Türkiyənin Baş naziri Rəcəb Tayyib Ərdoğan bildirib.
Onun sözlərinə görə, tədbirlər paketinin əleyhinə çıxan qüvvələr ölkədə demokratiyanın olmasında maraqlı deyillər:
"Ölkə müxalifəti sağlam düşüncəyə zidd olan köhnə çağırışlarla çıxış edir".