Azərbaycan, Bakı, 4 iyun /Trend, müxbir E.Mehdiyev/
NATO-nun növbəti "Rouz Roud" seminarı Azərbaycanda keçiriləcək.
Milli Məclisdən Trend-ə verilən məlumata görə, bu barədə qərar NATO Parlament Assambleyasının Litvanın paytaxtı Vilnüsdə keçirilən yaz sessiyasında qəbul olunub.
İyun ayının 15-18-i tarixlərində keçiriləcək seminarda NATO-nun yüksək rütbəli rəsmiləri iştirak edəcəklər.
Seminarda Cənubi Qafqazda münaqişələrin, o cümlədən Dağlıq Qarabağ münaqişəsinin həlli və digər məsələlərlə bağlı müzakirələrin aparılacağı gözlənilir.